नव ज्याेति प्राविमा छात्रवृत्ति वितरण तथा स्वागत कार्यक्रम सम्पन्न ।

नव ज्याेति प्राविमा छात्रवृत्ति वितरण तथा स्वागत कार्यक्रम सम्पन्न 

सुरेश छन्त्याल/गलकाेट

बागलुङको गलकाेट नगरपालिका १० पाण्डबखानीमा रहेकाे नव ज्याेति प्राविमा स्वागत तथा २०७७ सालकाे छात्रवृत्ति पुरस्कार वितरण कार्यक्रम सम्पन्न भएको छ । विद्यालय व्यवस्थापन समितिका अध्यक्ष कमला थापाकाे अध्यक्षतामा भएको कार्यक्रममा पाण्डबखानी समाज जापानका प्रतिनिधि रेशम थापा, पाण्डबखानी समाज युकेका प्रतिनिधि कुमार थापा र प्रेम थापालाइ स्वागत गरिएको थियाे। साथै उक्त कार्यक्रममा विद्यालयलाइ १० हजारकाे दरले ३० हजार हस्तान्तरण समेत गरेका थिए । त्यस्तै मृत्यु सत्कारबाट उठेको रकम पाण्डबखानी अन्तरगत सुनपानी निवासी स्व. पतिराम घर्तिकाे स्मृतिमा श्रीमती चनमति घर्तीले विद्यालयलाइ ४ हजार हस्तान्तरण गरेका थिए ।

कार्यक्रममा वडा सदस्य धनबहादुर सुनार, पाण्डबखानीका बालमैत्री सहजकर्ता रामु शाही, समाजसेवी मानसिह छन्त्याल, पत्रकार सुरेश छन्त्याल, शिक्षक, अभिवाभक, विद्यार्थी लगाएतको सहभागीता रहेकाे थियाे भने कार्यक्रमकाे संचालन विद्यालयका प्र.ह आसा श्रीसले गर्नु भएको थियाे।