संघीय सांसद छन्त्याल रहेनान् ।
गलकाेट,१७ असार
प्रतिनिधि सभा सदस्य ज्ञानकुमारी छन्त्याललाई नेपाली काँग्रेसका शिर्ष नेतालाई श्रद्धाञ्जली दिएका छन् । काँग्रेस नेतृ एव संघीय सांसद छन्त्यालको मुटुको समस्याका कारण बुधबार बिहान निधन भएको थियो । उनको पार्थिव शरिरलाई पार्टी केन्द्रीय कार्यालय सानेपामा पार्टी सभापति शेरबहादुर देउवा, बरिष्ठ नेता रामचन्द्र पौडेल, महामन्त्रीद्वय डा। शशांक कोइराला र पूर्णबहादुर खड्का, नेता गोपालमान सिंह लगायतका शिर्ष नेताहरूले श्रद्धाञ्जली अर्पण गरेका हुन् । छन्त्यालको निधनप्रति सभापति देउवाले दुःख व्यक्त गरेका छन्। ‘नेपाली कांग्रेसकी नेतृ एवं सांसद ज्ञानकुमारी छन्त्यालको असामयिक निधनको खवरले म निकै दुखि भएको छु,’ उनले भनेका छन्, ‘उहाँको आत्माको चिर शान्तिको कामना गर्दै परिवारजनमा हार्दिक समवेदना व्यक्त गर्दछु। ’लामो समय देखि मुटुको समस्याबाट पीडित छन्त्यालको मुटुको सल्यक्रिया गरेपछि थप समस्या बल्झिएको थियो । उनको काठमाडौं स्थीत गंगालाल हृदयरोग केन्द्रमा निधन भएको हो । छन्त्याल नेपाली काँग्रेस बागलुङको महाधिवेसन प्रतिनिधि तथा जिल्ला सल्लाहकार थिईन् । उनी दोस्रो संविधानसभा निर्वाचनमा बागलुङ क्षेत्र नम्बर ३ बाट विजयी भएकी थिईन् ।
No comments:
Post a Comment