Monday, August 31, 2020

स्थानीय गाडी चालकहरुको पहलमा बाटो मर्मत

स्थानीय गाडी चालकहरुको पहलमा बाटो मर्मत 
सुरेश छन्त्याल
गलकोट, १५ भदौ 

पाण्डबखानीमा रहेका गाडी चालकहरुले पाण्डबखानी र मल्म अन्तरर्गत रहेको मोटरबाटो वर्षाका कारण अवरुद्घ भएको मोटर बाटो संगै खाल्टाखुल्टी भएको मोटरबाटो मर्मत तथा सरसफाई गरेका छन् । स्थानीय गाडी चालक अमर घर्तिको नेतृत्वमा पाण्डबखानीका गाडी चालक र पसल व्यवसायबाट उठाएको रकमले बाटो मर्मत गरेको उनै नेतृत्व लिएका घर्तिले बताएका छन् । बाटो निर्माण भएको कति वर्ष भयो तर बाटो भने सुधार अझै भएको छैना, बाटो मर्मत भनेर रहेक साल बजेट आउछ, तर त्यो बजेट कहा जान्छ केहि अत्तोपत्तो हुदैना साथै बाटो मर्मत भएको पनि देखिन्ना स्थानीय गाडी चालक गोविन्द्र काउचाले गुनासो पोख्दै यस्तो बताउनुभयो । शनिबार देखि बाटो मर्मत कार्यमा लागेको र भोलि सम्म बाटो मर्मत गरि सक्ने घर्तीले जानकारी
 गराउनु भयाे ।

Sunday, August 30, 2020

मल्म पाण्डबखानी मोटरबाटोविचमा पहिरो खसेपछि जेसिविले हटायो ।

मल्म पाण्डबखानी मोटरबाटोविचमा पहिरो खसेपछि जेसिविले हटायो ।
सुरेश छन्त्याल
गलकोट, १४ भदौ 

गलकोट नगरपालिका १० पाण्डबखानी र मल्म ७ अन्तरर्गत रहेको मल्म पाण्डबखानी मोटरबाटो पहिरो जादा पाण्डबखानी, मल्म, हटिया हुदै बागलुङ सदरमुखाम जाने गाडीहरु अलपत्र परेका थिए । मल्मको टोकरी भन्ने स्थानमा विहान ५ बजे माथिबाट खसेको पहिरोका कारण बाटो अवरुद्घ भएको थियो । वडा नम्बर ७ का वडा सदस्य लोक थापाको पहलमा करिव साडे १ बजे जेसिविले अवरुद्घ भएको बाटो हटाएपछि बाटो खुलेको हो । बाटो करिव २० मिटर तल खसेको थियो । त्यस्तै वर्षाले अवरुद्घ बनाएको मल्म पाण्डबखानी मोटरबाटो विचविचमा बाटो मर्मत कार्य तिव्र गतिमा संचालन भएको छ ।

Friday, August 28, 2020

सज्जा चौलागाईं बने नेपाल आइडल सिजन ३ को बिजेता

सज्जा चौलागाईं बने नेपाल आइडल सिजन ३ को बिजेता
गलकाेट,१२ भदौ
पाण्डबखानी अनलाइन खबर

गायन रियालिटी शो नेपाल आइडल तेस्रो सिजनको उपाधी सज्जा चौलागाईं चुमेका छन् । सबैभन्दा धेरै भोट प्राप्त गरेर बिजेता बनेका हुन् ।नेपालको पहिलो नेपाल आइडल पोखराका बुद्ध लामा बनेका हुन् भने दोस्रो नेपाल आइडलको उपाधी रवी ओडले चुमेका हुन् ।
एपी वान एचडीबाट हरेक हप्ता बिहीबार र शुक्रबार प्रसारण हुँदै आएको यो रियालिटी सो नेपाली सांगीतिक इतिहासको सर्वाधिक रुचाइएको कार्यक्रम हो। प्रतिस्पर्धाको उत्कृष्ट ३ मा सज्जा चौलागाईं, प्रवीण बेडुवाल र किरणकुमार भुजेल पुगेका थिए ।
हजारौंबाट छानिएर उत्कृष्ट ३ मा पर्न सफल भएका उनीहरूले पाएको भोटको आधारमा विजेता चयन गरिएको हो । विजेताले ‘नेपाल आइडल-३ को उपाधिसहित ५० लाख रुपैयाँ पुरस्कार प्राप्त गर्नेछ। यसैगरी फस्ट रनरअपले १५ लाख र सेकेन्ड रनरअपले पाँच लाख नगद प्राप्त गर्नेछन्। अन्य हप्ताको कार्यक्रम जस्तै शुक्रबारको कार्यक्रममा सीमित मानिस र दर्शकको उपस्थितिमा नेपाल आइडल-३ को विजेता घोषणा गरिने प्रोजेक्ट हेड सुरेश पौडेलले जानकारी दिए।
पौडेलका अनुसार कोभिड-१९ का कारण ग्रान्ड फिनाले सामान्य तवरमै सञ्चालन गर्न लागिएको हो। लकडाउन भएको थिएन भने गत चैतमै कार्यक्रम सम्पन्न भइसक्थ्यो। कोरोनाका कारण रोकिएको कार्यक्रम करिब तीन साताअघि पुनः सुरु भएको थियो। कार्यक्रमको निर्णायक मण्डलमा इन्दिरा जोशी, न्ह्यु वज्राचार्य र कालीप्रसाद बाँस्कोटा रहेका छन्। नेपाल आइडल यस्तो एउटा मञ्च हो जसले हर कोहीलाई अवसर दिन्छ। यसले दूरदराजमा लुकेर रहेका प्रतिभालाई अगाडि बढ्न समान अवसर दिन्छ। नेपाली सांगीतिक इतिहासमा बेग्लै उचाइ कायम गरेको नेपाल आइडल हरेकको सपना हो। यसअघि बुद्ध लामा र रवि ओडले यो उपाधि चुमिसकेका छन्।

Wednesday, August 26, 2020

न्याउलीसँगै मनका वह भीरपाखा अनि कन्दरामा,

न्याउलीसँगै मनका वह भीरपाखा अनि कन्दरामा,
#गजल#

गाउँले म त गुन्द्रुक अनि आटो ढिँडो खाएर हुर्केको
कहीँ च्यातिएका कहीँ टालिएका लुगा लाएर हुर्केको

कहिले काँधमा हलो र जुवा कहिले हातमा कोदाली,
नभनेर आँधी हुरी बर्खे झरी मेलापात धाएर हुर्केको

कहिले टन्टलापुर घामसँगै निधारमा नाम्लो राखेर,
सकिनसकी बोकेर भारी पाउनु दुःख पाएर हुर्केको
 
न्याउलीसँगै मनका वह भीरपाखा अनि कन्दरामा,
कहिले सालैजो कहिले झ्याउरे गीत गाएर हुर्केको
आजकल मेरा झर्छन्  आँसु विगतलाई सम्झिएर,
मेरो प्यारो जन्मथलो बाल्यकालमा रमाएर हुर्केको

सोम रामजाली
बागलुङ ।

Monday, August 24, 2020

म हारेको छैन झन म मा मनोबल दह्रो भएको छ : संक्रमित नर्स

म हारेको छैन झन म मा मनोबल दह्रो भएको छ : संक्रमित नर्स
गलकाेट,९ भदौ
पाण्डबखानी अनलाइन खबर

भरतपुर सेन्ट्रल अस्पताल भरतपुरमा विगत साढे दुई वर्षदेखि काम गर्दै आउनुभएको सिम्रन तिवारीलाई कोरोना संक्रमण भएको छ । संक्रमण तीब्र गतिमा फैलिरहेको समयमा सेवानै धर्म हो भनेर निरन्तर आफ्नो कर्तव्य बोध गर्दै सेवा गर्दै आउनुभएकी सिम्रनले आफैले फेसबुकमा लामो स्टाटस लेखेर मनै छुने खालको भावना ब्यक्त गरेकी छीन् । हामीले तपाईहरुलाई उहाँको फेसबुक स्टाटस जस्ताको तस्तै प्रस्तुत गरेका छौं, हुर्नुहोस उहाँको स्टाटस जस्ताको तस्तै :-काम गर्दै गर्दा कोरोना सन्क्रमित भएछु स्वास्थ्य लाभको कामना गर्नुहुने सबैमा धन्यवाद ।

म एक नर्स म आफ्नो पेशामा गर्ब गर्छु।मलाइ थाहा छ कि म केवल सर्टिफिकेटका लागि मात्र पढेको होइन जस्तो सुकै अवस्थामा पनि बिरामिको सेवा गर्न सकु र गर्छु भनेर नर्स पेशा अंगालेको हु। आफ्ना ब्यक्तिगत कुराहरुलाइ त्यागेर निरन्तर रुपमा बिरामिको सेवामा लागिरहेको पनि केहि बर्ष भैसकेछ । काम गर्दै गर्दा यो अवस्था आउछ होला भन्ने सोचेका थिएनौ ।तर एक्कासि संसारलाइ नै तर्साउने गरि कोरोना भाइरस फैलियो। कयौ देशहरुमा हजारौ नागरिकको ज्यान गयो। बिस्तारै अवस्था जटिल बन्दै गयो। बिस्तारै संक्रमितहरु नेपालमा पनि देखिन थाल्यो।

तर कहिल्यै हतोत्साहित नभै निरन्तर आफ्नो कर्ममा लागिरहे मैले सोचेकि म एकजना नर्सले गार्हो हुने भयो म सन्क्रमित हुन्छु कि भनेर आफ्नो काम छोड्ने हो भने हालत के होला। भन्ने सोचेर अग्रजहरुको सल्लाह सुझाबलाइ ग्रहण गर्दै काममा लागिरहे!घरमा बुवा आमा भाइ बहिनिलाइ आफैले सम्झाए म मा मात्र सिमित छैन बाबा ममि मैले समाजका लागि काम गर्नु पर्छ म यतिखेर घरमा काम नगरि बस्ने हो भने मैले नर्स पेसा अगालेको अर्थ हुदैन न आतिनु म सुरक्षित भएर बिरामिको सेवा गर्नेछु भनेर घर परिवारलाइ सम्झाउदै आफ्नो कर्ममा लागिरहे ।

कयौ रात बाबा ममि निदाउनुभएको छैन कतै छोरि सन्क्रमित त हुनेहोइन भनेर भोलि समाजले के भन्ला छि छि र दुर गर्ला भन्ने चिन्तामा परिवार हुनुहुन्थियो। केहि दिन अगाडी अस्पतालमा उपचार गरिरहनुभएका बिरामिमा कोरोना पोजेटिभ भयो रे भन्ने सुने उहा हरुलाइ सधै हामिले रेखदेख गरिरहेका हुन्थियौ। एक्कासि त्यस्तो सुनेपछि एकछिन त अनेक कुरा सोच्न पुगेछु ।पछि आफुलाइ समाले त्यसपछि हामिलाइ छुटै ठाउमा राखियो ।त्यसको पर्सि पल्ट म लगायत हामि साथिहरुको कोरोना तभकत का लागि स्वाब लगियो नभन्दै हाम्रो रिपोर्ट पनि उयकष्तष्खभ आयो।

पाण्डबखानी रमुवा माेटरबाटाे पहिराेका कारण अबरुद्ध

पाण्डबखानी रमुवा माेटरबाटाे पहिराेका कारण अबरुद्ध
गलकाेट, ८ भदौ
सुरेश छन्त्याल
गलकाेट नगरपालिका १० पाण्डबखानी अन्तर्गत पाण्डबखानी रमुवा माेटर बाटाे अविरल वर्षा संगै आएकाे पहिरोका कारण बाटाे अवरुद्ध भएको छ। बाटाे अवरुद्ध हुदा पाण्डबखानी रमुवा हुदै रणसिहकिटिनी जाेड्ने माेटर बाटाे बन्द भएको छ। बाटाे अवरुद्ध भएको खबर पाएपछि नगरपालिकादेखि असिस्टेन्ट सब ईन्जिनियर हुकुम पुन मगर, वडा अध्यक्ष तिलक घर्ती पत्रकार सुरेश छन्त्याल, स्थानीय गाडी चालक अमर घर्ती र स्थानीयहरुले अवरुद्ध भएको बाटाे अनुगमन संगै सर्वे गर्दा ३९३ लम्बाई माेटर बाटाे अवरुद्घ भएको सब ईन्जिनियर पुनले जानकारी दिनुभएको छ। त्यस्तै आजै रमुवाका स्थानीयहरुकाे पहलमा सामान्य रुपमा बाटाे सफा गरेकाे स्थानीय दिपक वि.क ले जानकारी गराउनु भयो। भाेलि मल्म पाण्डबखानी माेटरबाटाे पनि अनुगमन संगं बाटाे सर्वे गर्ने जानकारी प्राप्त भएको छ।

Sunday, August 23, 2020

अभिनेत्री रेखा थापाको आज जन्मदिन

अभिनेत्री रेखा थापाको आज जन्मदिन 
गलकाेट,८ भदौ
पाण्डबखानी अनलाइन खबर

नेपाली चलचित्र क्षेत्रकी चर्चित अभिनेत्री रेखा थापाको आज जन्मदिन परेको छ । उनी वि सं २०३९ भाद्र ५ गते मोरङमा जन्मिएकी हुन् । 
जन्मदिनको अवसरमा उनलाई आज शुभकामनाको ओइरो लागेको छ । चलचित्र हिरोबाट नेपाली चलचित्र क्षेत्रमा प्रबेश गरेकी रेखाले हालसम्म धेरै चलचित्रमा अभिनय गरिसकेकी छिन् । उनका मितिनी, धड्कन, हामी तीन भाई, कर्णवीर, दुर्गा, देवर बाबु, कस्ले र्चोयो मेरो मन, हिम्मतवाली, किस्मत, तथास्तु, मालिका, लगायतका चलचित्र चर्चामा छन् । उनी धेरैजसो चलचित्रमा एक्सन अवतारमा देखिएकी छिन् । 

कोरोना कहर संगै गाउँघरमा पनि तिज मनाए ।

कोरोना कहर संगै गाउँघरमा पनि तिज मनाए । 
सुरेश छन्त्याल
 ७ भाद्र २०७७, आईतवार
महिलाहरुको महान पर्व हरितालिका तिज यस वर्ष कोरोना कहरका विचमा पनि तिजलाई विदाई गरेका छन् ।
विश्वमा महामारीको रुपमा फैलिएको कोरोना भाईरसको संक्रमण नेपालमा पनि दिन प्रतिदिन उच्च जोखिम वढदै गएकोले दिदि बहिनीहरु जम्मा भएर कार्यक्रम गरे समुदायमासंक्रमण फैलिने डरले घरमै सामान्य रुपमा शिवजीको पुजा अर्चना गरि तिज पर्वलाई विदाई गरेका छन् । नेपाल सरकारले महामारीको रुपमा फैलिएको कोरोना भाईरस भिडभाड गरे समुदायमा फैलिन सक्ने भएकोले नागरिकले मनाउने चाँड पर्व लगाएत सरकारले संचालन गर्ने कार्यक्रमहरु नगर्ने अति आवश्यक कार्यक्रमहरु नागरिकको दुरी कायम गरि सेवा प्रवाह गर्न सम्वन्धित निकायलाई सुचना गरि सकेकोले सरकारले जारी गरेको आदेशलाई पालना गर्दै चाँड पर्वहरुलाई नागरिकले सामान्य रुपले मनाएका छन् । 
तिजको दिन व्रत वसी विवाह गरेका नारीलेश्रीमानको आयु बृद्धीका लागी र विवाह नगरेका नारीहरुले भगवान शिव जस्तै श्रीमान प्राप्त होस भनी शिव भगवानको पुजा अर्चना गरि खुसी साटा साट गरि बेलुका डेग र मादल घन्काएर नाच गान गरी भोली पल्ट जलासय र घारामा नुहाएर ब्रतको विर्सजन गरि हर्ष उल्लासका साथ विदाई गर्ने हिन्दु नारीको महान पर्व हरितालीका तिज यस वर्ष कोरोना भाईरसका कारण सामन्य पुजा अर्चना गरी सुनसान अवस्थामा विदाई गरेका छन् । गत बर्ष दिदि बहिनीहरु मिलेर एक महिना अगाडी देखी दर खाने नाचँ गान लगाएत खुसी साटासाट गरेर मनाउने पर्व यस बर्ष कोरोना भाईरसका कारण बजारमा चिज वस्तु प्रयाप्त नभएकोले घरमै भएको चिज वस्तु खाएर व्रत गरेका छन् । 
महिलाहरुको महान पर्वका रुपमा रहेको हरितालीका तिज आउन त आयो तर खुसी नदिएरै गयो गत बर्ष धुमधामले पुजा अर्चना लगाएत नाचगान गरि मनाउने पर्व कोरोना भाईरस सर्ने डरले घरमै सामान्य रुपले मनाएका हुन् । यस्तै अवस्था सिर्जना भए दशै तिहार लगाएतका स्थानिय मेला लोप हुदै जाने निश्चित देखिएको छ यस पालिको तिजमा प्रयाप्त मात्रामा खानेकुरा लगाएत नाच गान नभएकोले पर्व वचाउनको लागी ब्रत गरेको पाईन्छ । कम्तीमा पनि ५ देखि १० जना महिला जम्मा भएर ऋषि पन्चमीको ब्रत गर्ने विहाना जलासयमा गएर नुहाउने घरमा फर्केर सप्तऋषिको पुजा अर्चना गरि नाच गान गरि विदाई गर्ने ब्रत कोरोना भाईरसको संक्रमण फैलिने डरले छोड्न मन नभएपनि ब्रत छोड्नु परेको स्थानिय महिलाहरुले वताएका छन् ।

Thursday, August 20, 2020

जो जहाँ छौं त्यहीँबाट तिजको संस्कृतिलाई धानौं- उप प्रमुख काउचा......

जो जहाँ छौं त्यहीँबाट तिजको संस्कृतिलाई धानौं- उप प्रमुख काउचा......
गलकाेट, ५ भदाै
पाण्डबखानी अनलाइन खबर

हरितालिका तिज नेपाली महिलाहरुको महान पर्व हो । हाम्रो परम्परागत सस्कृति पनि हो यसलाई जगेर्ना गर्नु हामी सवैको दायित्व हो । तिज महिलाहरुको रमाईलो गर्ने पर्व मात्र नभएर आफ्नो दुःख बेदना पोख्ने थलो पनि हो पछिल्लो समयमा महिलाहरुका लागि तिज पर्व अवसरको रुपमा लिईएको थियो । तिज पर्वले महिलाको नेतृत्व विकासका सहयोग गरेको थियो ।यस पर्वमा महिलाहरुले आफ्नो भुमिकालाई ससक्त रुपमा देखाउँनका निम्ती एउटा माध्यमको रुपमा पनि मनाउँदै आईएको छ । महिलाका लागि घर बाहिर निश्कने माध्ययम पनि तिज पर्व नै बनेको छ । तर यस वर्ष विश्वव्यापी कोरोनाको महामारी चलेको छ । यो बेला सस्कृति बचाउने नाममा हामीले जथाभावी भिडभाड नगरौं । यसपाली हामी विगतको झै मेला महोत्सव नगरौं जहाँ छौं त्यही बसेर हाम्रा चाडपर्व मानौं संस्कृतिलाई धानौं । हामीले एक आपसमा भेला भएर जम्मा भएर भन्दा पनि आफ्नै घरभित्र सुरक्षित बसेर हाम्रा चाडपर्वलाई मनाऔं । हामी कोरोनाको महामारी बाट जोगियौं भने तिज त अर्को वर्ष आउँछ त्यही बेला नाचौला, गाउँला रमाउँदा । म पनि विगतका वर्षमा दिदिबहिनीले बोलाएको ठाउँमा पुगेर विभिन्न तिजका कार्यक्रममा सहभगी हुने गर्दथे र उहाँहरुका गुनासा सुन्ने मौका पाउँथे ।
यसपाली भने आफ्नै आमा सँग घरम बसरे तिज मनाउँदै छु । यस वर्ष सवै दिदिबहिनीलाई तिजको शुभकामना सहित तपाईहरु सवैलाई तिज घरमा नै बसेर मनाउनका निम्ती आग्रह गर्दछ । तिजमा अधिकांश दिदिबहिनीहरु ब्रत बस्नुहुन्छ । ब्रत बस्नु राम्रो हो म पनि हरेक वर्ष बस्ने गर्दछु । तर यो समयमा हामी कोरोनालाई जित्नुछ । यदी तपाई कोही विरामी हुनुहुन्छ भने ब्रत बसेर कुनै फाईदा छैन किनकी हामी कोरोनाको जोखिम सँग लड्ेका छौं । यो लडाईमा अन्य फरक रोग सँग लड्नुप¥यो भने झनै समस्या हुन्छ । त्यसैले आफ्नो स्वास्थ्यको ख्याल गरी ब्रत बस्नुहोला । घर बाहिर निश्कनुपरेमा सम्पुर्ण स्वास्थ्य सुरक्षाका सामाग्री प्रयोग गर्नुहोला स्वस्थ्य समाज निर्माणका लागि महत्वपुर्ण भुमिका निर्वाह गर्नुहोला ।

रेणुका काउचा मगर
नगर उपप्रमुख, गलकोट नगरपालिका, बागलुङ

Wednesday, August 19, 2020

फूलको थुंगा बहेर गयो

फूलको थुंगा बहेर गयो
गलकाेट,३ भदौ
पाण्डबखानी अनलाइन खबर

राष्ट्रकवि माधव घिमिरेको १०१ वर्षको उमेरमा मंगलवार निधन भएको छ । १९७६ सालमा लमजुङ जिल्लाको पुस्तुन गाउँमा जन्मेका घिमिरेले नेपाली साहित्यको श्रीवृद्धिमा अतुलनीय योगदान गरेका छन् । 
नेपालका लोकप्रिय कविमध्ये एक घिमिरेका गौरी, राजेश्वरी, राष्ट्रनिर्माता, पापिनी आमा लगायतका खण्डकाव्य र कालीगण्डकी, युवक, वैशाख जस्ता उत्कृष्ट कविताका साथै मालती मंगले जस्ता उच्चस्तरका गीतिनाटकहरू प्रकाशित छन् । 

१९९४ सालमा उनको पहिलो कवितासंग्रह नवमञ्जरी प्रकाशित भएको थियो ।
उनका कृतिमा राष्ट्रप्रेम, राष्ट्रिय वीरता गान, प्रकृतिको सजीव चित्रण र अतीत तथा वर्तमान दुवैप्रति समान संवेदना भेटिने समालोचकहरूको कथन छ । 

गौरी खण्डकाव्य नेपाली साहित्यकै उम्दा कलात्मक कृति हो । आफ्नी पत्नी गौरीको निधनपछि सम्झनामा उनले यो बेजोड शोककाव्य रचना गरेका थिए ।

यो खण्डकाव्य प्रकाशित भएदेखि आजसम्म पनि स्वदेश र विदेशमा जति नेपाली पुस्तकका प्रदर्शनीहरू भए, ती सबैमा सबभन्दा बढी बिक्री भएका पुस्तकमध्ये घिमिरेको गौरी र लक्ष्मीप्रसाद देवकोटाको मुनामदन अग्रपंक्तिमा रहेका छन् ।  

उनको अश्वत्थामा खण्डकाव्य मानवताप्रतिको प्रेमको सशक्त चित्रण गर्ने कृति मानिन्छ । 

घिमिरेका प्रत्येक कृतिले राष्ट्रको धुकधुकी बोकेका छन् र सबै उमेरका मानिसलाई उत्तिकै प्रभावित बनाएका छन् ।

माधव घिमिरेको कृतिमा नेपालीपनको सुगन्ध भेटिने त्रिभुवन विश्वविद्यालयमा नेपाली विषयका प्राध्यापक नेत्र एटम बताउँछन् । ‘लोकलयलाई समात्न सक्ने उहाँको अद्भुत क्षमता थियो र उहाँका कृतिमा स्थानीयपन भेटिन्छ । शास्त्रीय छन्दमा लेख्ने गरे पनि नेपाली मौलिकताले उहाँका काव्यरचना सराबोर छन्,’ प्राध्यापक एटम भन्छन् । 

घिमिरेका शब्द, सोच, शिल्प र बिम्ब सबैमा मौलिकता र नेपालीपन भेटिने उनी बताउँछन् ।

उनले रचना गरेको ‘गाउँछ गीत नेपाली’ र ‘नेपाली हामी रहौंला कहाँ नेपालै नरहे’ लगायतका गीतहरूमा राष्ट्रप्रेम र राष्ट्रिय स्पन्दन जीवन्त रूपमा देखा परेका छन् । 

नेपाली साहित्यलाई आधुनिक युगमा प्रवेश गराउनमा लेखनाथ पौडेलपछि अर्को महत्त्वपूर्ण देन दिनेमा माधव घिमिरे नै देखापर्छन् । अत्यन्तै परिष्कृत भएर पनि रोमान्टिक काव्यशिल्पको उचाइ माधव घिमिरेले नै प्राप्त गरेको उनका कृतिले प्रमाणित गरेका छन् । 

संस्कृतका सर्वश्रेष्ठ कवि कालिदास र बंगाली साहित्यका धरोहर नोबेल साहित्य पुरस्कार विजेता रवीन्द्रनाथ ठाकुरबाट प्रभावित भएका कवि घिमिरेले पनि आफ्ना काव्यमा दर्शनको गहिराइ र चिन्तनको परिष्कारलाई काव्यशशिल्पमा सफलतापूर्वक प्रस्तुत गरेका छन् । 

महाकवि देवकोटाको स्वच्छन्दतावादी धार र कविशिरोमणि लेखनाथ पौडेलको परिष्कारवादी काव्यधाराको बीचमा घिमिरेको काव्यले सुन्दर स्वरूप प्राप्त गरेको घिमिरेका कृतिमाथि विद्यावारिधि गरेका तथा नेपाल संस्कृत विश्वविद्यालयमा नेपाली विषयका सहप्राध्यापक रहेका डा लेखप्रसाद निरौलाको भनाइ छ । ‘विचारमा स्वच्छन्दतावाद र शिल्पमा परिष्कारवादलाई उहाँले सुन्दर तरिकाले मिश्रण गर्नुभएको थियो,’ डा निरौला भन्छन् । माधव घिमिरेका काव्यकृति जति सुन्दर छन् उनको जीवन पनि त्यति नै सुन्दर भएको डा निरौलाको कथन छ । ‘अनुसन्धानका क्रममा म उहाँलाई धेरैपटक भेट्न गएँ । उहाँले मसँग जहिले पनि हार्दिकतापूर्वक कुराकानी गर्नुभयो,’ उनी भन्छन् । कहिले पनि कसैको आलोचना नगर्ने घिमिरेको स्वभाव रहेको डा निरौला बताउँछन् । ‘मैले उहाँसँग उहाँका समकालीन साहित्यकारसँग प्रतिस्पर्धाको कुरा उक्काउन खोज्दा उहाँले त्यस्तो कुरै गर्नु हुँदैनथियो । सबैप्रति सकारात्मक धारणा राख्ने, जीवनलाई प्रकृतिसँग जोड्ने भएकाले पनि होला शायद उहाँले दीर्घजीवन पाउनुभएको थियो,’ उनी भन्छन् । उहाँलाई भेट्न जाँदा सबै पीर चिन्ता हराउने गरेको डा निरौला सम्झना गर्छन् । जीवनको सकारात्मक पक्षलाई नै घिमिरेले बढी जोड दिने गरेको डा निरौलाको भनाइ छ ।  राष्ट्रकवि माधव घिमिरेको निधनले नेपाली साहित्यको एक युगको अन्त्य गरेको साहित्यानुरागीहरूले बताएका छन् ।  राष्ट्रपति विद्यादेवी भण्डारीले घिमिरेको निधनले स्तब्ध बनाएको भन्दै ट्वीट गरेकी छन् । 'राष्ट्रकवि माधवप्रसाद घिमिरेको दुःखद निधनको खबरले स्तब्ध भएको छु। काव्य र कविताको माध्यमबाट राष्ट्र¸ राष्ट्रियता र नेपाली साहित्यको श्रीवृद्धिमा उहाँले पुर्याउँनु भएको योगदानलाई हामी सधैँ सम्झिरहने छौं । दिवंगत राष्ट्रकविप्रति श्रद्धाञ्जली एवं शोकविह्वल परिवारमा गहिरो समवेदना !'

Thursday, August 13, 2020

कविता नानी~भाग- १५७

कविता नानी~भाग- १५७ 🌷🙏🌺
~~~~~~~~~~~
<पाण्डवखानी>
~~~~~~~~~~
लोक छन्द: झ्याउरे
~~~~~~~~~~~~
स्वर्गको टुक्रा चटक्क चुँडी कसले खसाल्यो।
बागलुङको पश्चिम मध्य भागमा बसाल्यो।
गलकोटको दिएर नाम घुम्टेको काखमा।
अड्याई दियो बालक सरी आमाको काखमा ।१।

जन्मेको ठाउँ आमाको काख चौपट्टै खपुवा।
जन्मना साथ जोडेको नाता जीवन्त टिकुवा।
निलुवा शीर भएको गाउँ भनिन्छ चमुवा।
घुटेको काख पाण्डवखानी त्यसैमा रमुवा ।२।

गल्कोटे पाखा सालेजो भाका गीतको गुञ्जन।
घुम्टेको नाच गाजाको साथ सिध्दाको पुजन।
यहाँका मान्छे कलाका धनी अत्यन्तै सज्जन।
साहित्य प्रति झुकेको मान्छे हुँदैन दुर्जन ।३।

दर्जन चार गायकहरु गल्कोट जन्मायो।
सुनौलो लोक गीतमा नाम यसैले कमायो।
गलकोटेको समाज नामी स्वदेश बिदेश।
सपूतहरु जन्मायो गल्कोट आफैमा धन्य छ।४।

पाण्डवखानी अर्गल तारा अमरभूमीको।
साथमा हिल हरिचौर नि त्यसैमा जुटेको।
हटिया मल्म काँडेबास र रिघाको साथमा।
दुदिलाभाटी नरेठाँटी यी सबैको संगम।५।

गलकोटको एउटा क्षेत्र पाण्डवखानी हो ।
मादलु ताल डम्फुको चाल सालेजो सुनेको ।
तालामा ताल मिलाईकन कविता लेखेको।
नुवाकोट हो गलकोटको जहाँ म जन्मेको ।६।
~~~~~~~~~~~~~~~~~~~~धन्यवाद । 🌷🙏🌺लेखक:- हरि शर्मा (सुवेदी) गलकोट,बागलुङ
हाल:- मिसिगन अमेरिका ।
तस्बिर:- गलकोट यु एस बि सेवा

Wednesday, August 12, 2020

सबै जिल्लाबाट सवारी पास वितरण बन्द गर्न गृह मन्त्रालयको निर्देशन

सबै जिल्लाबाट सवारी पास वितरण बन्द गर्न गृह मन्त्रालयको निर्देशन ।
गलकाेट,२८ साउन
पाण्डबखानी अनलाइन खबर
गृह मन्त्रालयले मुलुकभरका जिल्ला प्रशासन कार्यालयलाई सवारी पास वितरण बन्द गर्न निर्देशन दिएको छ । सतहत्तरै जिल्लाका प्रमुख जिल्ला अधिकारीलाई आज परिपत्र गर्दै मन्त्रालयले यही साउन २९ गतेदेखि लागू हुने गरी सवारी पास वितरण नगर्न निर्देशन दिएको हो ।कोभिड –१९ को जोखिम उच्च भएकाले नेपाल सरकारबाट विभिन्न समयमा भएको निर्णय र मन्त्रालयबाट भएको निर्देशनसमेतका आधारमा उक्त परिपत्र जारी गरिएको हो । ‘हालसम्म जारी हुँदै आएको सवारी पास व्यवस्थालाई अर्को व्यवस्था लागू नभएसम्मका लागि साउन २९ देखि सवारी पास वितरण नगर्नू नगराउनुहुन आदेशानुसार अनुरोध छ’, मन्त्रालयद्वारा आज जारी सूचनामा उल्लेख छ । यसअघि सरकारले अत्यावश्यक कामका लागि अन्तरजिल्ला जान सवारी पास वितरण गर्दै आएको थियो । पछिल्लो समयमा मुलुकभर कोभिड –१९ को संक्रमण बढ्दो छ । काठमाडौँ उपत्यकामा समेत सङ्क्रमण बढिरहेकाले प्रवेशमा कडाइ गरिएको छ ।

Sunday, August 9, 2020

२ सय जनालाई वेलनेस टिमले वितरण गर्यो फर्स्ट एड बक्स ।

२ सय जनालाई वेलनेस टिमले वितरण गर्यो फर्स्ट एड बक्स ।

थम्मन थापा 
गलकाेट,२५ साउन 
वेलनेस टिम नेपालको पहल तथा समन्वयमा जिल्लाको ताराखोला गाउँपालिकामा पहिलो सहायता वक्स (फस्ट एड बक्स) वितरण गरिएको छ । ताराखोला गाउँपालिकाको सहयोगमा पालिकाका पाँच वटै वडा, स्वास्थ्य स्वंयम सेविका, गाडी चालक लगायत २ सय जनालाई शनिवार सहायता वक्स वितरण गरिएको हो । विशेष गरी कोभिड–१९ लाई लक्षित गरि पहिलो चरणमा दुई सय जनालाई ‘फस्ट एड वक्स’ बितरण गरिएको वेलनेश टिमकी अध्यक्ष नितु खड्काले जानकारी दिइन् ।बक्समा मास्क, थर्ममिटर, नेल कटर, आकस्मिक उपचारका लागि आवश्यक स्वास्थ्य सामग्री, सामान्य चोटपटक लाग्दा घाउँमा लगाउने औषधी, टाउँको दुखेको, पेट दुखेको, बमिट नआउने, जीवन जल, मर्केकोमा लगाउने जेल लगायत १८ प्रकारका औषधि र औजार छन् ।
वेलनेश संस्थाले ‘हरेक घर, फस्ट एड बक्स’ भन्ने नाराका साथ केही वर्ष यता यो अभियान चलाइरहेको छ । एउटा बक्सको करिब ११ सय रुपैयाँ पर्छ । पहिलो चरणमा २ लाख बढीको सामग्री बितरण गरिएको अध्यक्ष खड्काको भनाई छ । स्वास्थ्य क्षेत्रमा सहयोग पुराउने उद्धेश्यले यो कार्य गरिएको वेलनेश टिम नेपालले जनाएको छ ।

Thursday, August 6, 2020

चट्याङका कारण पाण्डबखानीमा विधुत अवरुद्ध

चट्याङका कारण पाण्डबखानीमा विधुत अवरुद्ध
गलकाेट,२२ साउन
सुरेश छन्त्याल
गलकाेट नगरपालिका १० पाण्डबखानीमा साउन २० गते राती परेकाे अविरल वर्षा संगै परेकाे चट्याङले माउखाेला लघु जलविद्युत परियाेजनाबाट प्रसारित लाइन अवरुद्ध भए संगै केही भेगमा लाइन नबाेलेकाे अफ्रेटर खिम नगरकाेटीले बताउनु भयाे । त्यस्तै चट्याङका कारण धेरै जस्ताे घरमा टिभि, लाइट, चार्जर, wifi साथै घरमा रहेकाे मिटर समेत जलेकाे र केही भेगमा मेन लाइन पनि जलेकाे नगरकाेटीले जानकारी दिनुभयाे । अझै पुर्णरुपमा लाइन नबनेकाे र भाेलि सम्म पुर्णरुपमा बन्ने जानकारी गराउनु भयाे। गलकाेट नगरपालिका १० पाण्डबखानीमा सामुहिक कुखुरा पालन सम्बन्धि १ दिने तालिम सम्पन्न भएको छ। पुन्थर आमा समूह पाण्डबखानीकाे आयाेजना र पाण्डबखानी पशु सेवा केन्द्रकाे सह आयाेजनामा भएको तालिममा कुखुराकाे खाेर व्यवस्थापन, कुखुराकाे जात र विसेश्ता र विभिन्न राेग तथा उपचार सम्बन्धि तालिममा सिकाइएकाे थियाे। तालिममा १५ जनाकाे सहभागीता थियाे, साथै काेराेना भाइरस काेविड १९ काे कर संगै सामाजिक दुरि कायम गरि तालिमम संचालन भएको थियाे। तालिमको सहजिकरण तालिम प्रमुख बलराम अधिकारी र सायक परिक्षक शिव आचार्यले गर्नु भएको थियाे। साथै तालिमकर्ता आचार्य र अधिकारीले तालिममा सिकेका सीप र ज्ञान व्यावारमा लिन सके आफैलाइ र समाजलाइ सहज र फाइदा हुने बताउनुभयाे। हामिले कुखुरा पाल्छाै तर व्यवस्थापन सहित पाल्न सकिरहेका छैयाैं अब याे तालिमबाट हामीले धेरै कुराहरु सिकेकाे अनुभव गर्दै तालिममा सहभागी १ महिलाले बताउनु भयाे। पुन्थर आमा समुहका अध्यक्ष धनकुमारी सुनारकाे अध्यक्षता वडा सदस्य धनबहादुर सुनारकाे विशेष उपस्थिति रहेकाे थियाे।

Tuesday, August 4, 2020

गलकोटको रमुवामा भरुवा बन्दुक पड्केर एक जनाको मृत्यु

गलकोटको रमुवामा भरुवा बन्दुक पड्केर एक जनाको मृत्यु 
गलकाेट,२० साउन

गलकोट नगरपालिका वडा नंम्वर १० को रमुवा बिखबारी जैलुङमा भरुवा बन्दुक पड्केर एक जनाको ज्यान गएको छ ।  
गलकोट नगरपालिका वडा नम्बर १० रमुवाका १५ बर्षिय मिलन मगरको भरुवा बन्दुक पड्कीएर ज्यान गएको ईलाका प्रहरी कार्यालय हरिचौरका प्रहरि निरिक्षक केशब सिंह थापाले जानकारी दिनुभयो ।
थापाका अनुसार रमुवाका स्थानियले गाईबस्तुलाई चरिचरानको लागी जगंलमा छाडेको अबस्थामा नुन राख्न गएका रमुवाका ५ जना र पाण्डबखानीका १ जना गरि ६ जना गएको र गाँईबस्तुलाई नुन राखेर फक्रिने क्रममा भरुवा बन्दुक पड्कीदा मगरको ज्यान गएका हो ।
मगरको घटनास्थलमै सोमबार साझँ साढे ५ बजे नै ज्यान गएको प्रहरीले जनाएको छ । घटना स्थलमा फेला परेको भरुवा बन्दुक मृतक मगर र मृतक संगैं गएका ५ जनालाई नै थप अनुसन्धानको लागी जिल्ला चलन गरिएको थापाले जानकारी दिनुभयो । 

Sunday, August 2, 2020

रमुवामा गत वर्षको तुलनामा ४ गुना आलु उत्पादन कम

गलकाेट, १८ साउन 
सुरेश छन्त्याल
गलकोट नगरपालिका १० पाण्डबखानी अन्र्तगत रमुवामा गत वर्षको तुलनामा यस वर्ष ४ गुना कम आलु उत्पादन भएको छ । यस क्षेत्रमा निकै आलु उत्पादन हुन्थ्यो तर यो वर्ष निरन्तर झरी र असिनाका कारण भने जस्तो उत्पादन भएना स्थानीय कृषिक राजु वि.क का अुसार रमुवामा लगभग ८० घर व्यसायक रुपमा आलु खेती गदै आइरहेका छन् । अहिले ४ गुना कम उत्पादन भएको छ । गत वर्ष विभिन्न स्थानबाट आलुको माग आउन्थ्याे वर्ष पनि उत्तिकै  माग आएको छ, कसरी व्यवस्थापन गर्ने हो हामीलाई हम्मे हम्मे परेको छ । वि.कले भन्नुभयो । कृषकहरुलाई मध्यनजर गदै औषधी संगै आवश्यक सामाग्री व्यवस्थापन गर्न सम्बन्धित पक्ष संग माग समेत गरेका छन् ।

Saturday, August 1, 2020

नेपाली काँग्रेस वडा कमिटीद्धारा सामाजिक सुरक्षा भत्ता यथावत गर्नका लागि केन्द्र सम्म निवेदन पठाउने ।

नेपाली काँग्रेस वडा कमिटीद्धारा सामाजिक सुरक्षा भत्ता यथावत गर्नका लागि केन्द्र सम्म निवेदन पठाउने ।
गलकाेट, १७ साउन
नेपाली काँग्रेस वडा कमिटी गलकाेट नगरपालिका १० पाण्डबखानी बागलुङको आम भेला सम्पन्न भएको छ । भेलामा आगामी दिनमा पार्टीलाई कसरी लैजाने, छुटेका क्रियासिल सदस्य वितरण गर्ने, क्रियासिल नवीकरण गर्ने, यहि साउन २३ र २४ गते पार्टीका सम्पूर्ण कार्यकर्ता, तरुणदल, भातृ संगठन, शुभेच्छुक पार्टीमा आस्थावानहरु लाई प्रशिक्षण कार्यक्रम संचालन गर्ने, सामाजिक सुरक्षा भत्ता नेपाल सरकारकाे निर्णय प्रति नेपाली काँग्रेस वडा कमिटीद्धारा नेपाली काँग्रेस जिल्ला समिति तथा जिल्ला कार्य समिति मार्फत केन्द्रिय कार्यालयमा ध्यान आर्कषर्ण गर्ने सामाजिक सुरक्षा भत्ता यथावत गर्नका लागि निवेदन गर्ने निर्णय भएको छ। विशेषगरी राजनीतिक विषयमा छलफल तथा अन्तरक्रिया गरिएको थियाे। कार्यक्रममा जिल्ला सदस्य रामप्रसाद वि.क, क्षेत्रीय सचिव तिलक घर्ती, पुर्ब महाधिवेशन प्रतिनिधि राधिका पुन, क्षेत्रीय प्रतिनिधि गिरिप्रसाद घर्ती, नेपाल प्रेस युनियन जिल्ला सदस्य सुरेश छन्त्याल, तरुणदल, शिक्षक संघ, भुतपुर्व सैनिक संघ, विद्यार्थी संघ लगाएत गरि ६५ जनाकाे सहभागीता रहेकाे कार्यक्रममा देवराज पुनकाे सभापतित्याे सचिव ज्ञानबहादुर श्रीसकाे संचालनमा सम्पन्न भएको थियाे।