कोरोना भाइरसको प्रभाव गलकोटमा पनि

कोरोना भाइरसको प्रभाव गलकोटमा पनि 

गलको, १० चैत 

सुरेश छन्त्याल

विश्वव्यापी महामारीको रुपमा फैलिरहेको कोरोना भाइरस (ऋयखष्म ज्ञढ) रोकथाम तथा नियन्त्रणका लागि नेपाल सरकार, प्रदेश सरकार र गलकोट नगरपालिकाले समेत विभिन्न कार्यक्रम घोषणा गरी कार्यान्वयन गदै आईरहेको छ । यसै सन्दर्भमा गलकोट नगरपालिकाको निर्णय अनुसार नगर क्षेत्रभित्र अत्यावश्यक बाहेक सबै सेवा बन्द गरिएको छ । तथापी गलकोट नगरपालिका विशेष गरी हटिया बजार क्षेत्रमा मानिसहरुको आवागमन नियन्त्रण भएको नदेखिएकोले सार्वजनिक स्थल र बजार क्षेत्रमा मानिसहरुको भिडभाड नियन्त्रण गरी महामारीको नियन्त्रण गर्ने कार्यमा थप कदम चाल्नुपर्ने अवस्थामा सृजना भएको महसुस गरी नगरपालिका भित्र जीप,ट्याक्सी एवंम पिकअप लगाएतका सवारी साधनहरुको संञ्चालनमा मिति २०७६÷चैत ११ देखि लागु हुनेगरी पूर्णरुपमा रोक लगाएको छ । यस नियमको उलंघन गरेको पाईएमा नियमानुसार कडा कारबाहि गरिने छ ।

नगरपालिकाको यस अभियानमा सम्पूर्ण यात्रु महानुभाव तथा व्यवसायिहरुमा अनुरोध छ । साथै अति आवश्यक बाहेक घरबाट बाहिर ननिस्कन अनुरोध गदै विशेष काम परेमा पैदल यात्रा वा अन्य भिडभाड नहुने साधनको प्रयोग समेत गर्न अनुरोध छ । यस्तै गलकोट नगरपालिकाको निर्णय अनुरुप विभिन्न वडा कार्यालयबाट अत्यावश्यक बाहेकका सबै सेवाहरु बन्द भएको छ । जस्तै दैनिक रुपमा सम्पादन हुदै आइरहेका सिफारीस, सम्पति तथा मालपोत कर, पंजीकरण लगायतका सम्पुर्ण सेवा प्रवाहका सबै कार्यहरु स्थागित भएको छ ।