सिमकार्ड वितरणको दुई दशक पुरानो व्यवस्था, अनि फेरियो

सिमकार्ड वितरणको दुई दशक पुरानो व्यवस्था, अनि फेरियो
पाण्डबखानी अनलाइन खबर
गलकाेट,१४ असार
गत माघको अन्तिमसाता नेपाल दूरसञ्चार प्राधिकरणमा रमेश गौतम (नाम परिवर्तन)ले अनौंठो उजुरी गरे । जसमा उल्लेख थियो- ‘मैले चलाइरहेको सिमकार्ड हिजो अटोमेटिक निष्कृय भयो र अरूले नै मेरो नम्बरको सिमकार्ड निकालेर व्यक्तिगत सूचनाहरूमा पहुँच बनाउँदै दुरुपयोग गरिरहेका छन् ।’

विगतमा नयाँ सिम लिएर दुरुपयोग गरेको घटनाहरू भइरहेकै थिए । त्यसपटक भने प्राधिकरणलाई रमेशको उजुरीले झस्कायो । कारण, रमेशको सिम एकाएक डिएक्टिभ गरेर सोही नम्बरबाट कसैले भाइबरलगायतका एपहरू चलाउँदै गरेको प्रमाण फेला परेको थियो ।